"სამხრეთის კარიბჭე"–FM97.5 / LIVE

ახალციხის პირველი სკოლა 15 სექტემბრისთვის რემონტს ვერ ასრულებს

მთავარისიახლე, საზოგადოება, განათლება 07.09.2016
ახალციხის პირველ საჯარო სკოლაში მიმდინარე სარემონტო სამუშაოები სასწავლო პროცესის დაწყებამდე ვერ სრულდება; ამ სკოლის მოსწავლეები ისევ მესამე და მეექვსე სკოლებში გადანაწილდებიან.

ახალციხის პირველი სკოლა 15 სექტემბრისთვის რემონტს ვერ ასრულებს

8 დღეში სკოლებში ახალი სასწავლო პროცესი იწყება, თუმცა ახალციხის პირველი საჯარო სკოლა ჯერ კიდევ ხარაჩოებშია. გარდა გარე ფასადისა, სამუშაოები შენობის შიგნითაცაა დასასრულებელი.

მშენებელ კომპანიას სამუშაოების დასასრულებლად ვადის გადაწევა მოუხდა. კომპანია აგვისტოს ბოლოს ნაცვლად სამუშაოებს 30 სექტემბერს დაასრულებს.

მიზეზს განათლების სამინისტროში ასე ხსნიან: „ათასწლეულის გამოწვევის ფონდი და მისი კონტრაქტორი სამშენებლო კომპანიები მუშაობენ საერთაშორისო სარეაბილიტაციო სტანდარტების შესაბამისად. რადგან სარეაბილიტაციო სამუშაოების ზამთარში ჩატარება არ არის მიზანშეწონილი და უარყოფითად აისახება რემონტის ხარისხზე, ზამთარში სამუშაოები დროებით შეჩერდა. შესაბამისად, მოხდა კონტრაქტორ კომპანიასთან ხელშეკრულების ვადების გადაწევა“.

მშენებელ კომპანიაში „ინტერ პლიუსში“ კი გარდა კლიმატური პირობებისა, სხვა პრობლემებზეც საუბრობენ. როგორც აღნიშნული ფირმის ფინანსური დირექტორი ლექსო მათეშვილი ამბობს, მშენებლობის პროცესში დამატებით შესასრულებელი სამუშაოებიც გამოჩნდა, ამან კი დიდი დრო წაიღო.

„სახურავი დაგვემატა, მთლიანად შევცვალეთ 2 000 კვადრატული მეტრი. ასევე მთლიანად შეიცვალა გათბობა, 5 000 კვარდატული მეტრის ნაცვლად 15 000–ის გალესვა მოგვიხდა“, – აცხადებს მათიაშვილი და ამატებს, რომ სამუშაოების დროულად დასრულებაში ქალაქში მოსულმა სტიქიამაც შეუშალათ ხელი, – სეტყვამ დაგვაზიანა, წყალი ჩამოვიდა და მესამე სართულზე „გიფსო“ გაგვიფუჭა. ჩამოვხსენით, თავიდან „გავშპაკლეთ“ და შევღებეთ“.

დამატებით შესრულებული სამუშაოებისთვის პროექტში ცვლილებები დაახლოებით 37 000 დოლარის ღირებულების ფარგლებში განხორციელდა.
მათეშვილი ფიქრობს, რომ 30 სექტემბრისთვის სარემონტო სამუშაოების დასრულება სრულად მოესწრება.

„სტანდარტების მიხედვით, ათასწლეულის გამოწვევის ფონდი, რეაბილიტაციის დასრულების შემდგომ, იტოვებს ორ კვირას, რომ მოხდეს განხორციელებული სამუშაოების შეფასება და ხარვეზების აღმოფხვრა“, – ამბობს საქართველოს მთავრობასთან, ბიზნესთან და საზოგადოებასთან ურთიერთობის დირექტორი გიორგი კოპალეიშვილი.

მას შემდეგ კი, რაც შენობის რეაბილიტაცია დასრულდება, როგორც პირველი საჯარო სკოლის დირექტორი ჟუჟუნა გოგოლაური აცხადებს, ეზოს სარეაბილიტაციო სამუშაოები დაიწყება: „ამ ყველაფერს სხვა კომპანია ასრულებს“.

სამუშოების პარალელურად პირველი საჯარო სკოლა განახლებულ ინვენტარსაც ღებულებს: „ათასწლეულის ფონდი და განათლების სამინისტრო ახალ ინვენტარს გვიგზავნის. 400 მერხი უკვე მივიღეთ, დანარჩენსაც ველოდებით“.

მიმდინარე სარეაბილიტაციო სამუშაოების გამო, პირველ საჯარო სკოლაში სასწავლო პროცესი ვერ განახლდება. ამიტომ აღნიშნული სასწავლებლის მოსწავლეები იმ სკოლებში გააგრძელებენ სწავლას, სადაც პირველი სკოლის წარმომადგენლები ამ დრომდე იყვნენ.

„დაწყებითი კლასები მეექვსე საჯარო სკოლაში მივლენ, დანარჩენები კი მესამეში. ორივე სკოლაში ძალიან კარგი სამუშაო პირობებია და ეს არანაირ პრობლემას არ ქმნის“, – აცხადებს ჟუჟუნა გოგოლაური და ამატებს, რომ პირველი საჯარო სკოლის ადმინისტრაცია და პედაგოგები სასწავლო პროცესის დასაწყებად მზად არიან, – „სასწავლო გეგმა შეთანხმებულია სამეურვეო საბჭოსთან. შერჩეულია დამრიგებლები, განაწილებულია საათები“.

რაც შეეხება სასწავლო პროცესის დაწყების ცერემონიას, მესამე სკოლაში გაიმართება თუ მეექვსეში, ეს ჯერ აღნიშნული სკოლების ადმინისტრაციასთანაა შესათანხმებელი.

ახალციხის პირველი საჯარო სკოლა 15 სექტემბერს 106 პირველკლასელს მიიღებს.

რაც შეეხება შეკითხვას, როდის შეძლებს პირველი სკოლა განახლებულ შენობაში სასწავლო პროცესის განახლებას, გოგოლაური გვპასუხობს: „ამის შესახებ განათლების სამინისტროს უკვე მივწერეთ და პასუხი ჯერ არ გვაქვს მიღებული“.

შეგახსენებთ, შენობის რეაბილიტაციას აშშ-ის ათასწლეულის გამოწვევის კორპორაცია (“Millennium Challenge Corporation- MCC”) აფინანსებს. ტენდერში გამარჯვებულ კომპანიასთან ხელშეკრულებას 2015 წლის 19 ნოემბერს მოეწერა ხელი.

ახალციხის პირველი სკოლა 15 სექტემბრისთვის რემონტს ვერ ასრულებს

[თამუნა უჩიძე, ახალციხე]


22.05.2017 ერთიანი ეროვნული გამოცდები 3 ივლისს დაიწყება

22.05.2017 მე–12 კლასელები გამოსაშვებ გამოცდას ბიოლოგიასა და უცხო ენებში აბარებენ

21.05.2017 მე–12 კლასელები გამოსაშვებ გამოცდას ქართულ ენასა და ლიტერატურაში აბარებენ

19.05.2017 ახალციხის სკოლებში ბოლო ზარი დაირეკა [Photo]

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

23.05.2017 ჯომარდობაში ევროპის ჩემპიონატი ბორჯომში ხვალ დაიწყება

23.05.2017 საროში, მაღრაძის დარბაზული ტიპის მესხურ სახლს ძეგლის სტატუსი მიენიჭა

23.05.2017 რა ღონისძიებები იგეგმება 26 მაისს ახალციხეში

23.05.2017 “შენი გულისთვის, შენი უსაფრთხოებისთვის” – აქცია ახალციხეში [Photo]

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

27.04.2017 სოფელი სარო ახალი სიცოცხლის მოლოდინში [Photo/Video]

25.04.2017 სოფელ საროში 30–ოჯახიდან 5 ისევ მესხურ ოდაში ცხოვრობს [Video]

25.04.2017 სომხური სოფელი, სადაც აღდგომას სამჯერ აღნიშნავენ [Photo/Video]

18.04.2017 მზითევი, ‘უმძრახობის’ ტრადიცია და ცხოვრება მესხურ ოდაში [Photo/Video]

მსგავს თემაზე

ხუთთვიანი ლოდინის შემდეგ ახალციხის პირველი სკოლის რეაბილიტაცია იწყება
განახლდება თუ არა პირველს საჯარო სკოლაში სასწავლო პროცესი 15 სექტემბერს
პირველი სკოლა სწავლის დაწყებას მესამე სკოლაში იზეიმებს
ახალციხის პირველი სკოლის მოსწავლეები დროებით ქალაქის სხვა სკოლებში ისწავლიან
სწავლა სხვის სკოლაში
პირველი სკოლის მშენებელი ყოველდღიურად 500 დოლარით ჯარიმდება
ახალციხის პირველ სკოლაში დემონტაჟი დასრულდა