FM97.5 / LIVE

უნივერსიტეტს მხოლოდ 31 მაგისტრანტი ჰყავს

მთავარისაზოგადოება » განათლება 09.10.2012
ახალციხის სახელმწიფო სასწავლო უნივერსიტეტის მაგისტრატურაში 2 ოქტომბერს სწავლა დაიწყო. 70 ვაკანტური ადგილიდან წელს მხოლოდ 31 ადგილი შეივსო

უნივერსიტეტს მხოლოდ 31 მაგისტრანტი ჰყავს

ახალციხის სახელმწიფო სასწავლო უნივერსიტეტის მაგისტრატურაში წელს მიღება 11 სამაგისტრო პროგრამაზე გამოცხადდა: ინფორმაციული ტექნოლოგიები, ასტრონომია, აგრობიზნესის მენეჯმენტი, უძრავი ქონების ადმინისტრირება, აუდიტი, სისხლის სამართალი, საქართველოს ისტორია, ქართველური ენათმეცნიერება, ეთნოლოგია, შედარებითი ენათმეცნიერება და ქართული ლიტერატურის ისტორია.

აქედან ოთხ პროგრამაზე წელს უნივერსიტეტს არცერთი მაგისტრანტი არ მიუღია. საქართველოს ისტორიის, ქართველური ენათმეცნიერების, ეთნოლოგიისა და შედარებითი ენათმეცნიერების პროგრამებზე წელს არცერთი მაგისტრანტი არ ჩარიცხულა.

ახალციხის სახელმწიფო სასწავლო უნივერსიტეტის რექტორის მოადგილის ნიკოლოზ ახალკაცის თქმით, ტრადიციულად ყველაზე მეტი მაგისტრანტი წელსაც სისხლის სამათლისა და აუდიტის სამაგისტრო პროგრამებზე ჩაირიცხა.

”გასულ წელს განსაკუთრებული დაინტერესება ასტრონომიის მიმართულებით იყო, თუმცა ეს უფრო იმან გამოიწვია, რომ ამ პროგრამაზე სტუდენტებს გრანტის მოპოვების მეტი შანსი ჰქონდათ. ამიტომ, კონკურსიც კი გამოვაცხადეთ და საბოლოო ჯამში ექვსი სტუდენტი მივიღეთ”, - ამბობს ნიკოლოზ ახალკაცი და ამატებს, რომ წელს კონკურსი არცერთ პროგრამაზე არ ყოფილა.

მაგისტრანტობის მსურველებმა საერთო სამაგისტრო გამოცდის ჩაბარების შემდეგ სპეციალურ საგნებში 19 სექტემბერს, უკვე უნივერსიტეტში ჩააბარეს. მაგისტრატურაში სწავლა კი 2 ოქტომბერს დაიწყო. სწავლის გადასახადი წელსაც 2 000 ლარია. 31 მაგისტრანტიდან ვინ მიიღებს გრანტს ეს ჯერ უცნობია.

”ბაკალავრიატში გრანტების საკითხი თავიდანვე გარკვეულია. თუმცა, პროფესიულ და სამაგისტრო პროგრამებზე ცოტა მოგვიანებით გაირკვევა. როგორც წესი, გრანტის მოპოვების საკითხი ცნობილი ოქტომბრის ბოლოს ან ნოემბრის დასაწყისში ხდება ხოლმე. ამ ეტაპზე, ყველა საჭირო დოკუმენტაცია გრანტებთან დაკავშირებით უკვე გადავაგზავნეთ და პასუხებს ველოდებით”, - ამბობს რექტორის მოადგილე.

ახალციხის სახელმწიფო სასწავლო უნივერსიტეტმა წელს სავალდებულო აკრედიტაცია გაიარა. უნივერსიტეტის ადმინისტრაციამ აკრედიტაციის ეროვნულ ცენტრს 35 პროგრამა წარუდგინა, როგორც ბაკალავრიატის, ასევე, სამაგისტრო და პროფესიული პროგრამებიც. ნიკოლოზ ახალკაცის თქმით, ყველა პროგრამამ აკრედიტაცია წარმატებით გაიარა.

”თუმცა, მანამდე ჩვენ გავიარეთ ავტორიზაცია, რომელიც ფაქტობრივად, შენიშვნების გარეშე დარჩა. ხოლო პროგრამული აკრედიტაციისთვის მივიღეთ გარკვეული რეკომენდაციები, რომლებსაც შემდგომში გავითვალისწინებთ, - ამბობს ნიკოლოზ ახალკაცი და ამატებს, რომ ყველა მოქმედი პროგრამა უკვე აკრედიტებულია: ასევე, დამატებით გავიარეთ აკრედიტაცია ორ პროგრამაზე, რომელიც ჯერ არ მოქმედებს. მომავალი წლიდან ვგეგმავთ საჯარო მოხელეებისა და ტურიზმის პროგრამების ამოქმედებას”.

[თამარ თოთაძე, ახალციხე]


30.03.2020 პირველი არხის ეთერში 'ტელესკოლა' დაიწყო

30.03.2020 30 მარტიდან პრაქტიკოს მასწავლებელთა და მასწავლებლობის მსურველთა რეგისტრაცია იწყება

20.03.2020 რა პრობლემებს აწყდებიან სამცხე-ჯავახეთის სკოლებში დისტანციური სწავლებისას

16.03.2020 განათლების სამინისტროს რეკომენდაციები სასწავლო დაწესებულებებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

29.03.2020 რომის პაპმა წმინდა პეტრეს ცარიელ მოედანზე ლოცვა მარტომ აღავლინა

28.03.2020 1.1 მილიონი დოლარი საქართველოს ამერიკისგან

28.03.2020 რეკომენდაციები ენდოკრინოლოგისგან

28.03.2020 მძღოლებისათვის ჯარიმისა და საურავის გადახდის ვადამ გადაიწია

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ახალციხის უნივერსიტეტში 432 ადგილი თავისუფალი დარჩა
სამცხე–ჯავახეთის უნივერსიტეტის ორმა სამაგისტრო პროგრამამ აკრედიტაცია გაიარა
სამცხე–ჯავახეთის უნივერსიტეტში ქართული ენის და აგრონომიის პროგრამებმა აკრედიტაცია გაიარა
სამცხე–ჯავახეთის უნივერსიტეტში დაწყებითი განათლების პროგრამამ აკრედიტაცია გაიარა
სამცხე–ჯავახეთის უნივერსიტეტი 1215 ადგილზე აცხადებს მიღებას
რამდენი სტუდენტი მიიღო სამცხე-ჯავახეთის უნივერსიტეტმა
უნივერსიტეტში ორმა პროგრამამ აკრედიტაცია გაიარა