FM97.5 / LIVE

შეუმჩნეველი საფრთხე

მთავარი 25.07.2012
ახალქალაქში შიდსის საფრთხეს რეალურ საფრთხედ არავინ აღიქვამს. ხალხი ცდილობს არ ილაპარაკოს და არ იფიქროს ამ თემაზე, სპეციალისტები კი ყველას სიფრთხილისკენ მოუწოდებენ

შეუმჩნეველი საფრთხე

საქართველოს ინფექციური პათოლოგიების, შიდსისა და კლინიკური იმუნოლოგიის სამეცნიერო-პრაქტიკულმა ცენტრმა გამოაქვეყნა სტატისტიკური მონაცემები, რომლის მიხედვითაც აღმოჩნდა, რომ საქართველოში ოფიციალურად დაფიქსირებულია იმუნოდეფიციტის სინდრომის ინფექციის 253 შემთხვევა, ბოლო თვის განმავლობაში კი ამ დაავადების 29 ახალი დიაგნოზი დაისვა. საქართველოში სულ იმუნოდეფიციტის სინდრომით დაავადებული 3368 ადამიანი ცხოვრობს. ამასთან შიდსი გამოვლენილია 2025 შემთხვევაში. მკურნალობას ამჟამად 1247 ადამიანი გადის, რომელთა შორისაც 36 ბავშვია.

ახალქალაქის მუნიციპალიტეტის საზოგადოებრივი ჯანდაცვის ცენტრში იმუნოდეფიციტის სინდრომისა და შიდსის შემთხვევები დაფიქსირებული არ არის.

“ჩვენ ვიღებთ ტესტებს, შემდეგ კი ანალიზისთვის საავადმყოფოს ლაბორატორიაში ვაბარებთ. ჯერჯერობით არც ერთი დადებითი პასუხი არ გვაქვს”, - გვითხრა ეპიდემიოლოგმა გაიანე ფიდანიანმა.

ასეთი სიტუაცია იწვევს ყალბ რწმენას, თითქოსდა აქ აღნიშნული საკითხი აქტუალური არ არის და ამ დაავადებების შემთხვევებიც არ არსებობს. იგივე მოსაზრებას იზიარებს ახალქალაქის საზოგადოებრივი ჯანდაცვის ცენტრის ეპიდემიოლოგიც.

“ამ საკითხზე ბევრი მიფიქრია, შესაძლოა, ინფიცირებულები არიან, რადგან ჩვენს მოსახლეობას თავდაცვის საშუალებების შესახებ ინფორმაცია არ აქვს. უბრალოდ, რისკიან ნაბიჯებს დგამენ. თუ არიან ადამიანები სხვადასხვა ვენერიული დაავადებებით, შესაძლოა, რომ იმუნოდეფიციტის სინდრომიც არსებობდეს. ჩვენთან გამოკვლევებს, ძირითადად, ფეხმძიმე ქალბატონები იკეთებენ, ისიც, არა ყველა შემთხვევაში. მამაკაცებს ხომ შიდსზე ანალიზის ჩაბარებას ვერ აიძულებ. ამას არავინ აკეთებს”, - ამბობს ეპიდემიოლოგი.

ადგილობრივ ნულოვან შედეგს, ასე თუ ისე, წინა წლების მონაცემებიც ეჭვქვეშ აყენებს. საქართველოს ინფექციური პათოლოგიების, შიდსისა და კლინიკური იმუნოლოგიის სამეცნიერო-პრაქტიკული ცენტრის ოფიციალური მონაცემების თანახმად, სამცხე-ჯავახეთში 2009 წელს იმუნოდეფიციტის სინდრომის 26, ხოლო 2010 წელს 30 შემთხვევა დაფიქსირდა.

სამცხე-ჯავახეთის რეგიონის 2011-2012 წლების ოფიციალური სტატისტიკის მონახვა ვერ მოხერხდა. ეროვნული სტატისტიკის ცენტრსა და ნარკოლოგიის ინსტიტუტში გვიპასუხეს, რომ ამ რეგიონის სტატისტიკას არ აწარმოებენ. თუმცა არაოფიციალური მონაცემებით, სამცხე-ჯავახეთში ამ დაავადებით ინფიცირებულია 32-დან 36-მდე ადამიანი.

მენტალიტეტიდან გამომდინარე, ადამიანები, რომელთაც სხვადასხვა ვენერიული ან ინფექციური დაავადებების, ეჭვი აქვთ, გახმაურების, შერცხვენისა და საზოგადოებისგან გარიყვის შიშის გამო, ამ დაავადებას და მის შესახებ ვარაუდსაც კი მალავენ. ასეთი ეჭვის არსებობის შემთხვევაში ისინი ძირითადად სხვა ქალაქების საავადმყოფოებს, ხანდახან კი სხვა ქვეყნების კლინიკებსაც კი მიმართავენ.

“ამ საკითხით როცა დავინტერესდი, მითხრეს, რომ ისინი, ვისაც ასეთ დაავადებებზე ეჭვი აქვს, ჩვენთან არ მოდიან. ისინი ახალციხეში, თბილისში ან ერევანში მიდიან და ანალიზები იქიდან მოაქვთ”, - ამბობს გაიანე ფიდანიანი.

ხალხი ფიქრობს, რომ ეს დაავადებები მხოლოდ სქესობრივი გზით გადამდებია, რეალურად კი უმრავლეს შემთხვევაში ინფიცირება სამედიცინო დაწესებულებებში ექიმებისა და მომსახურე პერსონალის დაუდევრობის გამო შეიძლება მოხდეს.

თუ სქესობრივი ურთიერთობის დროს შიდსისგან თავდაცვა შესაძლებელია, სამედიცინო დაწესებულებებში იმუნოდეფიციტის სინდრომით ინფიცირების თავიდან არიდების შანსი ნულოვანია. ექიმთან ვიზიტისას, ანალიზების ჩაბარებისას ან თუნდაც სტომატოლოგთან მისვლისას, ბევრი ჩვენგანი სამედიცინო დაწესებულებისგან სტერილიზებულ ინსტრუმენტებსა და ექიმებისგან ხელთათმანებში მუშაობას არ ითხოვს.

“ხალხის ცნობიერებამდე ამან ვერ მიაღწია, ყველა ფიქრობს, რომ ეს დაავადება მისგან ძალიან შორსაა. ასეთი ფსიქოლოგია დაგვრჩა ჩვენც. არავის წარმოუდგენია, რომ საფრთხე რეალური და ძალიან საშიშია. ფიქრობენ, რომ იმუნოდეფიციტი სადღაც შორსაა, მხოლოდ დედაქალაქში და მხოლოდ მსუბუქი ყოფაქცევის ქალებს ან ჰომოსექსუალებს ეხებათ. არ ესმით, რომ იმუნოდეფიციტის სინდრომითYნებისმიერი ნებისმიერ მომენტში შეიძლება დაავადდეს”, - ამბობს ეპიდემიოლოგი.

იმუნოდეფიციტის სინდრომისა და შემდგომში შიდსის ძირითად მიზეზებად საქართველოში კვლავ ინექციური ნარკოტიკები და სქესობრივი კავშირები რჩება.

შიდსით დაავადების პირველი შემთხვევა საქართველოში 1989 წელს დაფიქსირდა, შემდგომ წლებში ამ დაავადებას 742 ადამიანის სიცოცხლე ემსხვერპლა.

ქრისტინა მარაბიანი, ახალქალაქი


24.10.2020 პროექტი 'ევროპული სწავლების სამკუთხედი' ახალციხის სკოლებში

23.10.2020 ახალციხის 9 ბაღში სწავლა 4 დღით შეწყდება

22.10.2020 კორონავირუსის გამო ახალქალაქის 2 სკოლაში დისტანციურად სწავლობენ

22.10.2020 კორონავირუსის გამო ნინოწმინდის 4 სკოლაში დისტანციურად სწავლობენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

25.10.2020 ბორჯომ–ხარაგაულის ეროვნული პარკი „Welcome To Georgia“– ს დაჯილდოებაზეა ნომინირებული

24.10.2020 სამცხე–ჯავახეთში უქმე დღეებში თბილი და მზიანი ამინდია მოსალოდნელი

22.10.2020 ნინოწმინდაში საზოგადოებრივი ცენტრი გაიხსნა

21.10.2020 ‘ხშირად ჰგონიათ რომ შეღებილია’ – ვალელი ფერმერის იასამნისფერი კომბოსტო [ფოტო/ვიდეო]

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

21.10.2020 SKამბები: მოხუცების სოფელი [აუდიო]

14.10.2020 SKამბები: აბასთუმანი – ხაბაზთუმანი [აუდიო]

10.10.2020 როცა ბუნების გესმის – მეტყევე ძმები ბორჯომიდან [ვიდეო]

07.10.2020 SKამბები: წნისი თუ წინისი [აუდიო]

მსგავს თემაზე

შიდსით ინფიცირებულთა სტატისტიკა  სამცხე–ჯავახეთში
მიმდინარე წელს აივ ინფიცირების – 515 ახალი შემთხვევა დაფიქსირდა
წელს საქართველოში აივ-ინფიცირების 369 ახალი შემთხვევა დაფიქსირდა
აგვისტოში სამცხე-ჯავახეთში შიდსით კიდევ ერთი პირი დაინფიცირდა
გამოკითხვა: რა იცით შიდსის შესახებ [Video]
ახალციხეში წითელას ორი შემთხვევა დაფიქსირდა
'კორონავირუსზე პაციენტებს პლაქვენილით ვმკურნალობთ' – ინფექციური პათოლოგიის და შიდსის ცენტრის განცხადება