FM97.5 / LIVE

კორხის ეკლესიის მშენებლობა უნებართვოდ გრძელდება

მთავარისიახლე, საზოგადოება 24.10.2019
ახალქალაქში, სოფელ კორხში ადგილობრივები უნებართვო სამუშაოებს აგრძელებენ, ტაძრის დაბზარული კედლები საძირკვლამდე დაანგრიეს და ახალი ამოაშენეს. გამოძიება ეროვნული მნიშვნელობის ძეგლის განზრახ დაზიანების მუხლით მიმდინარეობს.

კორხის ეკლესიის მშენებლობა უნებართვოდ გრძელდება
ფოტო:არქივი

რელიგიის საკითხთა სახელმწიფო სააგენტოს სამცხე–ჯავახეთის რეგიონული წარმომადგენელი ელვარდი ზაზაძე სოფელ კორხში ორი კვირის წინ იმყოფებოდა. მისი თქმით, მიუხედავად იმისა, რომ საქმეზე გამოძიებაა დაწყებული, ადგილობრივები უკანონო მშენებლობას მაინც აგრძელებენ და არ ჩერდებიან.

„ოთხი რიგი ჰქონდათ დარჩენილი, ალბათ უკვე დასრულებული ექნებათ. მე ვაკვირდები პროცესს და რელიგიის სააგენტოს ვაყენებ საქმის კურსში“, - გვეუბნება ელვარდი ზაზაძე.

რამდენიმე თვის წინ, ძეგლთა დაცვამ კორხის ეკლესიის საქმეზე, საინიციატივო ჯგუფს, სამუშაოების გასაგრძელებლად, პროექტის სააგენტოსთან შეთანხმება და არქეოლოგიური კვლევის ჩატარება დაავალა. კვლევის პროცესი სააგენტოს ზედამხედველობით უნდა განხორციელებულიყო, თუმცა ასე არ მოხდა.

რატომ ვერ მოხერხდა კორხის ეკლესიაზე უკანონო სამუშაოების შეჩერება, ამ თემაზე კულტურული მემკვიდრეობის დაცვის სააგენტოდან პასუხს ველოდებით.

სააგენტომ, მიმდინარე წლის მაისში, კორხის ეკლესიაზე უნებართვო სამუშაოების გამო, ადგილობრივ იური წარუკიანს, სამართალდარღვევის ოქმიც შეუდგინა და მისი კანონიერების დასადგენად ახალქალაქის რაიონულმა სასამართლოს გადასცა.

როგორც „სამხრეთის კარიბჭესთან“ კულტურული მემკვიდრეობის სააგენტოს იურისტი ლევან ჭავჭავაძე აცხადებს, ახალქალაქის რაიონულმა სასამართლომ წარუკიანი სამართალდამრღვევად არ ცნო.

„ესეთი გადაწყვეტილება გამოიტანა და ახლა შინაგან საქმეთა სამინისტროს გადავუგზავნეთ გადაწყვეტილება, რომ იმათმა მოიკვლიონ და დაადგინონ არის თუ არა წარუკიანი სამართალდამრღვევი“, - გვეუბნება ლევან ჭავჭავაძე.

საქმეზე ძიება 259-ე ორი პრიმა მუხლის მეორე ნაწილით მიმდინარეობს, რაც კულტურული მემკვიდრეობის დაზიანება ან განადგურებას გულისხმობს, რამაც ეროვნული მნიშვნელობის ძეგლის განზრახ დაზიანება გამოიწვია.
კულტურული მემკვიდრეობის ძეგლი პირვანდელი სახით აღარ არსებობს. უნებართვო სამუშაოები სოფლის მოსახლეობამ მიმდინარე წლის მაისში დაიწყო.

სოფელ კორხის XIX საუკუნის დარბაზული ტიპის ეკლესია სომხურ სამოციქულო ეკლესიას ეკუთვნის.

კორხში ეკლესიის ნგრევასთან დაკავშირებით, რომელიც კულტურული მემკვიდრეობის ძეგლია, „სამხრეთის კარიბჭეს“ არაერთი მასალა აქვს მომზადებული.

ამავე თემაზე ნახეთ:

კორხის დანგრეული ეკლესია უკანონო სამუშაოების შემდეგ

სააგენტომ კორხის ეკლესიის საინიციატივო ჯგუფს არქეოლოგიური კვლევის ჩატარება დაავალა

‘ვის რაში კითხავს ჩვენ რას ვაკეთებთ’– კორხში XIX საუკუნის ეკლესიის კედლებს ძალაყინით ანგრევენ

[ლუბა გიორგაძე, ახალქალაქი]


14.07.2020 საფეხური: 'კითხვები რომ სომხურად იყოს, გამოცდას ყველა პედაგოგი ჩააბარებს' [აუდიო]

12.07.2020 აბიტურიენტები ეროვნულ გამოცდებს ისტორიაში აბარებენ

11.07.2020 პირველკლასელთა რეგისტრაციის IV ეტაპის ვადები შეიცვალა

11.07.2020 აბიტურიენტები გამოცდას კვლავ ქართულ ენასა და ლიტერატურაში აბარებენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

14.07.2020 სამცხე-ჯავახეთის რომელ სოფლებში დაიწყება 2020 წელს გაზიფიცირება

14.07.2020 გადამფრენ ფრინველებზე ნადირობის სეზონი 22 აგვისტოს დაიწყება

13.07.2020 რამდენი ლარით დაჯარიმდებით გარემოს დანაგვიანებისთვის - ნარჩენების მართვის კოდექსში ცვლილებები შევიდა

13.07.2020 200 კაცი რომ ნასვამი იქნება, იქ რაიმე დისტანციის დაცვაზე შეიძლება იყოს ლაპარაკი? – პაატა იმნაძე

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

სააგენტომ კორხის ეკლესიის საინიციატივო ჯგუფს არქეოლოგიური კვლევის ჩატარება დაავალა
კორხის ეკლესიის საქმეზე  სასამართლო პროცესი გადაიდო
კორხის დანგრეული ეკლესია  უკანონო სამუშაოების შემდეგ [ფოტო]
სასამართლო კორხის ეკლესიის საქმეზე ისევ გადაიდო
'დაუყოვნებელი რეაგირებაა საჭირო'– ძეგლთა დაცვის წარმომადგენელი კორხის ეკლესიაზე
'კორხის ეკლესიას ფიზიკური დაცვა სჭირდება' – იურისტი უნებართვო მშენებლობაზე
‘ვის რაში კითხავს ჩვენ რას ვაკეთებთ’–  კორხში XIX საუკუნის ეკლესიის კედლებს ძალაყინით ანგრევენ [ფოტო/ვიდეო]