FM97.5 / LIVE

‘დაბრუნება და განათლების სისტემის შეცვლა მინდა’–თედო რეხვიაშვილი, მხატვარი ნიუ–იორკიდან

მთავარისიახლე, საზოგადოება 10.04.2019
28 წლის ქართველი არტისტი ერთი წლის წინ ვერც კი წარმოიდგენდა, რომ მსოფლიო მეგაპოლისში იცხოვრებდა, ნიუ-იორკის სამხატვრო აკადემიაში მოუსმენდა თანამედროვე მხატვრებს, ხოლო მის ნახატებს ხელოვნების გავლენიანი კრიტიკოსები და ჰოლივუდის ვარსკვლავები შეაფასებდნენ.

‘დაბრუნება და განათლების სისტემის შეცვლა მინდა’–თედო რეხვიაშვილი, მხატვარი ნიუ–იორკიდან

დილის შვიდ საათზე უკვე მეტროშია. აკადემიამდე მისასვლელად ერთი საათი სჭირდება. გზად ხატავს ან კითხულობს. ოცნება, ნიუ იორკის სამხატვრო აკადემიაში ესწავლა, უკვე წარსულია, ახლა მის ცხოვრებაში ახალი სირთულეების გადალახვის დროა.

„აქაური სივრცე მუდმივ დინამიკაში მამყოფებს, ყველა წამი გათვლილია. დგები, მიდიხარ უნივერსიტეტში, უსმენ არტისტ ლექტორებს, შუადღეს დიდი შესვენება და ექვსამდე ისევ ლექციები. მაგრამ თავისუფალი დროის გამონახვას მაინც ვახერხებ, გავდივარ ბიბლიოთეკებში, ქალაქის უზარმაზარ მუზეუმებში“.

ნიუ–იორკის სამხატვრო აკადემიის მაგისტრატურაში სწავლა შარშან, სექტემბერში დაიწყო. კომპოზიციას, ხატვას, ფერწერას, ანატომიურ ხატვასა და ხელოვნების ისტორიას ეუფლება. აკადემიურ სივრცეზე საუბრისას, ყურადღებას ლექტორებსა და პროფესორებზე ამახვილებს, შემოქმედებით თავისუფლებას მაძლევენო, ამბობს: „ესენი არ არიან ყოფილი მხატვრები, როგორც ჩვენთან. ვინც მასწავლიან, ყველა მოქმედი და მსოფლიოში სახელგანთქმული არტისტები არიან. ზოგადად სტრუქტურა სულ სხვანაირია, ლექციაზე შეიძლება რენესანსზე საუბრისას უახლესი მხატვარი ახსენონ, ძალიან ცოცხალი პროცესია“.

აკადემიის სამხატვრო სტუდიაში დარჩენა მუშაობა მაგისტრანტებს ღამის 12 საათამდე შეუძლიათ. თედოც ლექციების შემდეგ სტუდიაში რჩება და ხატავს.

‘დაბრუნება და განათლების სისტემის შეცვლა მინდა’–თედო რეხვიაშვილი, მხატვარი ნიუ–იორკიდანუკვე ორ მსხვილ გამოფენაში მონაწილეობდა. პირველი დეკემბერში გაიმართა, სახელწოდებით, Deck the Walls, სადაც სამი ფერწერული ტილო გამოფინა. სამივე გაიყიდა. მეორე, Tribeca Ball, სასწავლო წლის შემაჯამებელი გამოფენა, ნიუ–იორკში გუშინ გაიმართა. სტუმრებს შორის იყვნენ ნაომი უოტსი, ლივ შრეიბერი და ჰოლივუდის სხვა ვარსკვლავები. გამოფენის შემდეგ კი მსახიობ ბრუკ შილდსის ინსტაგრამზე თედოს ნახატთან გადაღებული ფოტოც გამოჩნდა.

იმისთვის, რომ ნიუ–იორკში ესწავლა, შარშან, აგვისტოში მისმა მეგობრებმა სოციალური კამპანია წამოიწყეს. იმ 15 ათასიანი გრანტის გარდა, რომელიც თედომ მოიპოვა, სწავლისთვის კიდევ 24 ათასი დოლარი აკლდებოდა. გალერეა „ვანდას“ დახმარებით 42 ათასი ლარის ღირებულების ნახატები გაყიდა, დარჩენილი თანხის ნაწილი მეგობრების კამპანიით, გულშემატკივრებმა, ნაწილი კი ნიუ-იორკელმა ქართველებმა შეუგროვეს.

თედო რეხვიაშვილს გაისად ნიუ–იორკის სამხატვრო აკადემიის მაგისტრის ხარისხი ექნება. სჯერა, რომ მალე ხელოვანის ვიზასაც აიღებს, შეერთებულ შტატებშიც და სხვა ქვეყნებშიც მუშაობისა და გამოფენებში მონაწილეობის ფართო შესაძლებლობა გაუჩნდება. ამისთვის თედო ყველა იმ ადამიანს უხდის მადლობას, ვინც ოცნების ასრულებაში დაეხმარა.

წინ დიდი გეგმები აქვს, თუმცა საკუთარ თავს მაინც საქართველოში ხედავს. დაბრუნებას და განათლების პოლიტიკაზე მუშაობას ფიქრობს. „მინდა საგანმანათლებლო სივრცეში ცვლილებების შეტანა. ამაში ჩემს ცოდნას და მსოფლიოს არტკრიტიკოსებთან კონტაქტებსაც გამოვიყენებ. ჩვენ ვართ ერთი სხეული, ჩვენს ხელშია ჩვენი სამშობლო, არ უნდა მოვდუნდეთ, ახალი სისხლის გადასხმა სჭირდება ჩვენს საზოგადოებას და უნდა ვიბრძოლოთ ახალი თაობისთვის, რომელიც ზნეობაზე და განათლებაზე იქნება ორიენტირებული“.

ნიუ–იორკში წასვლამდე, თბილისში საკუთარ სახელოსნოში ორასამდე ახალგაზრდას ხატვას ასწავლიდა. თედო არც მათ მიტოვებას აპირებს.

რა ენატრება? - „ჩორჩანი, დედას სოფელია, მოხეც, მამა იქიდანაა. ჩემი ბავშვობა იქაა“.

[ავთო ინასარიძე, ახალციხე]


24.10.2020 პროექტი 'ევროპული სწავლების სამკუთხედი' ახალციხის სკოლებში

23.10.2020 ახალციხის 9 ბაღში სწავლა 4 დღით შეწყდება

22.10.2020 კორონავირუსის გამო ახალქალაქის 2 სკოლაში დისტანციურად სწავლობენ

22.10.2020 კორონავირუსის გამო ნინოწმინდის 4 სკოლაში დისტანციურად სწავლობენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

25.10.2020 ბორჯომ–ხარაგაულის ეროვნული პარკი „Welcome To Georgia“– ს დაჯილდოებაზეა ნომინირებული

24.10.2020 სამცხე–ჯავახეთში უქმე დღეებში თბილი და მზიანი ამინდია მოსალოდნელი

22.10.2020 ნინოწმინდაში საზოგადოებრივი ცენტრი გაიხსნა

21.10.2020 ‘ხშირად ჰგონიათ რომ შეღებილია’ – ვალელი ფერმერის იასამნისფერი კომბოსტო [ფოტო/ვიდეო]

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

21.10.2020 SKამბები: მოხუცების სოფელი [აუდიო]

14.10.2020 SKამბები: აბასთუმანი – ხაბაზთუმანი [აუდიო]

10.10.2020 როცა ბუნების გესმის – მეტყევე ძმები ბორჯომიდან [ვიდეო]

07.10.2020 SKამბები: წნისი თუ წინისი [აუდიო]

მსგავს თემაზე

გრანტი ნიუ–იორკის სამხატვრო აკადემიაში – რატომ ითხოვს მხატვარი ფინანსურ დახმარებას
ადიგენში კედლები მოხატეს [Photo]
ახალციხის სამხატვრო სკოლაში სააღდგომო გამოფენა გაიმართა [ფოტო]
‘ჩემი ქალაქი’– გამოფენა ახალციხის სამხატვრო სკოლაში
ახალციხის სამხატვრო სკოლის გამოფენა ბათუმში
”ნახატებს მხატვრის ხასიათი ყოველთვის ემჩნევა’’
ახალციხის სამხატვრო სკოლის პედაგოგების პირველი გამოფენა