FM97.5 / LIVE

‘წყალს ვერ წაიყვანენ, სასამართლოში ვიჩივლებთ!’ – ახალციხეში 6 სოფლის სარწყავის მშენებლობა შეჩერდა

მთავარისიახლე, ეკონომიკა 04.06.2018
ურავლის ხეობაში, იაპონიის საელჩოს დაფინანსებული ირიგაციის პროექტის მშენებლობა შეჩერებულია. ურავლელები ამბობენ, რომ სამუშაოების შეწყვეტის მიზეზი მათი პროტესტი გახდა, მერიაში კი ირწმუნებიან, რომ აღდგენითი სამუშაოები უამინდობის გამო ვეღარ გრძელდება.

‘წყალს ვერ წაიყვანენ, სასამართლოში ვიჩივლებთ!’ – ახალციხეში 6 სოფლის სარწყავის  მშენებლობა შეჩერდა

სარწყავი წყლის სისტემის აღდგენა, რომელიც სოფელ ურავლის ტერიტორიაზე მიმდინარეობს, წლის ბოლოსთვის უნდა დასრულდეს და ახალციხის ექვსი სოფლის: ანდრიაწმინდის, ახალშენის, წყორძის, მინაძის, ჭაჭარაქისა და ღრელის 300– ჰექტრამდე მიწის ნაკვეთი უნდა გაასარწყავიანოს.
პროექტის მიხედვით, იმ სისტემის 15–კილომეტრიანი მონაკვეთი უნდა აღდგეს, რომელიც წლების წინ ახალციხეს სასმელი წყლით ამარაგებდა.

ახალციხის მერიაში განმარტავენ, რომ ამ სისტემის მხოლოდ 2 800 მეტრია დაზიანებული და ეს მონაკვეთი ახალი მილებით შეიცვლება. ასევე, დაიქსელება სოფლებში ნაკვეთებამდე მისასვლელი ტერიტორიაც. ამისთვის 247 298 ლარი დაიხარჯება.

თუმცა, ამ ეტაპზე, ურავლის ხეობაში სამუშაოები შეჩერებულია. ადგილობრივები ამბობენ, რომ მიზეზი მათი პროტესტია: „თუ ამ წყლით სხვა სოფლებიც გასარწყავიანდება, წყალი მთლიანად დაშრება და ჩვენთვის რესურსი აღარ იქნება. ურაველი იმიტომ არის კარგი, რომ მდინარე აქვს და ბევრი დამსვენებელი მოდის. სოფელი ამ წყლით ცხოვრობს, თუ ესეც დაგვიშრეს ურაველი დაიცლება“.

მათივე თქმით, სოფლის მიმდებარედ სარწყავი სისტემის აღდგენის შესახებ, მას შემდეგ გაიგეს, რაც მდინარეზე სამუშაოები დაიწყო. ამის შემდეგ, ადგილობრივებმა სამუშაოების შეჩერების მოთხოვნით, ხუთასი ხელმოწერით განცხადება მერიაში შეიტანეს: „ჩვენ ყვირილი და გზის გადაკეტვები არ დაგვიწყია, უბრალოდ შევეცადეთ კანონიერების ფარგლებში, განცხადება დაგვეწერა და მერიისთვის მიგვემართა, ამის შემდეგ ერთი კვირის წინ სამუშაოები შეჩერდა, ჩვენ კი მერთან მოლაპარაკებას ველოდებით“.

ადგილობრივები ახალციხის მერს ზაზა მელიქიძეს პირველ ივნისს სოფელში უნდა შეხვედროდნენ, თუმცა მოუცლელობის გამო მუნიციპალიტეტის პირველი პირი ურაველში ვერ მივიდა: „ხელმოწერების შემოტანის შემდეგ დავგეგმეთ სოფელში ხალხთან შეხვედრა. მიმდინარე კვირაში მივალთ ურაველში და ადგილობრივებს პროექტის ყველა დეტალს ავუხსნით, დავარწმუნებ მათ, რომ სისტემის მშენებლობით, მდინარეს დაშრობა არ ემუქრება“.

მელიქიძე ამბობს, რომ პროექტის განხორციელებამდე მათ ურაველში წყლის დებეტი შეისწავლეს და მისი კლება არ მოხდება: „სარწყავი ქსელი დაიწყება იმ სათავეებიდან, საიდანაც ადრე ახალციხე სასმელი წყლით მარაგდებოდა. ქსელი, სოფელ ურავლის შემოვლით, მდინარე ურავლის ნაპირზე გაივლის და იმ მილს დაუერთდება, რომელიც სოფლის შემოსასვლელშია. მისი დიამეტრი 200 მილიმეტრია და იმდენ წყალს აიღებს, რაც ამ მდინარისთვის ისე იქნება, როგორც ზღვაში წვეთი. ეს არის ერთი ჩვეულებრივი არხის წყალი, რომელიც მდინარეს არაფერს ავნებს“.

რაც შეეხება სამშენებლო სამუშაოების შეჩერებას, მელიქიძე ამბობს, რომ მიზეზი წვიამიანი ამიდებია: „სარწყავი წყლის მილების შედუღების სამუშაოები მიმდინარეობდა, როგორც მშენებლებმა გვითხრეს ამ სამუშაოებს წვიმაში ვერ შეასრულებდნენ და გამოდარებას ელოდებიან“.

„სამხრეთის კარიბჭე“ მშენებელ კომპანიას ვერ დაუკავშირდა. ადგილობრივები კი ამბობენ, რომ სოფელში ამ პროექტის განხორციელებას არ დაუშვებენ, ადვოკატს აიყვანენ და სასამართლოში იჩივლებენ.

„აქედან წყალს ვერ წაიყვანენ, ეგ გამორიცხულია, სასამართლოში ვიჩივლებთ. სამუშაოები უნდა შეჩერდეს და სხვა გზა მოძებნონ“, – ამბობს ვალერი კაპანაძე.

‘წყალს ვერ წაიყვანენ, სასამართლოში ვიჩივლებთ!’ – ახალციხეში 6 სოფლის სარწყავის  მშენებლობა შეჩერდა

[ლუბა გიორგაძე, ახალციხე]


14.07.2020 საფეხური: 'კითხვები რომ სომხურად იყოს, გამოცდას ყველა პედაგოგი ჩააბარებს' [აუდიო]

12.07.2020 აბიტურიენტები ეროვნულ გამოცდებს ისტორიაში აბარებენ

11.07.2020 პირველკლასელთა რეგისტრაციის IV ეტაპის ვადები შეიცვალა

11.07.2020 აბიტურიენტები გამოცდას კვლავ ქართულ ენასა და ლიტერატურაში აბარებენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

14.07.2020 სამცხე-ჯავახეთის რომელ სოფლებში დაიწყება 2020 წელს გაზიფიცირება

14.07.2020 გადამფრენ ფრინველებზე ნადირობის სეზონი 22 აგვისტოს დაიწყება

13.07.2020 რამდენი ლარით დაჯარიმდებით გარემოს დანაგვიანებისთვის - ნარჩენების მართვის კოდექსში ცვლილებები შევიდა

13.07.2020 200 კაცი რომ ნასვამი იქნება, იქ რაიმე დისტანციის დაცვაზე შეიძლება იყოს ლაპარაკი? – პაატა იმნაძე

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

სოფელ წყორძაში სარწყავი სისტემის მოსაწყობად ტენდერი გამოცხადდა
ურაველში სარწყავი სისტემის მილები მოიპარეს
‘პასუხი ერთია, წყალს არ გავატანთ’ – ურავლელებთან მერის  შეხვედრა არ შედგა
ხმაური  ურაველში – სარწყავი წლის პროექტის გამო ადგილობრივები მერს დაუპირისპირდნენ [Video]
ზაზა მელიქიძე: ‘ურავლელები რომ დამკავშირებოდნენ, შეხვედრისთვის მოვიცლიდი’
ურაველში წყლის პროექტი მხოლოდ მოსახლეობის თანხმობის შემთხვევაში განხორციელდება
მოსახლეობის 'დასამშვიდებლად' შექმნილი დოკუმენტი-მცდელობა ურაველში სარწყავი სისტემის მშენებლობის გასაგრძელებლად