FM97.5 / LIVE

ივანიშვილი ადასტურებს, რომ რეგიონებში ჟურნალისტებთან მისი შეხვედრა 'ოცნების' პიარს ემსახურება [Video]

მთავარისიახლე, პოლიტიკა, არჩევნები, საზოგადოება 19.09.2016
ივანიშვილი ჭელაში მინარეთის მოჭრას პროვოკაციად აფასებს, მოხეში რელიგიურ კონფლიქტს კი უმნიშვნელოს უწოდებს და ოჯახურ კონფლიქტს ადარებს.

ივანიშვილი ადასტურებს, რომ რეგიონებში ჟურნალისტებთან მისი შეხვედრა 'ოცნების' პიარს ემსახურება [Video]

ბიძინა ივანიშვილს „სამხრეთის კარიბჭემ“ პოლიტიკაში მისი როლისა და ადიგენში რელიგიური კონფლიქტების შესახებ ჰკითხა.

„სამხრეთის კარიბჭე“: რადგან მხოლოდ ერთი შეკითხვის დასმის უფლება გვაქვს, ორ კითხვას გავაერთიანებთ. თვალყურს ვადევნებთ თქვენს შეხვედრებს მედიასთან, კითხვები ისმის და თქვენც პასუხობთ მთავრობაში მიმდინარე მოვლენებზე, პროექტებზე, საკადრო ცვლილებებზე, ამასთანავე რეგიონულ მედიასთან შეხვედრაზე განაცხადეთ, რომ ძალიან ღირსეულად წახვედით პოლიტიკიდან. საინტერესოა, რა სტატუსით მართავს ამ შეხვედრებს ბიძინა ივანიშვილი, ჟურნალისტებთან, წინასაარჩევნოდ?

აქედან გამომდინარე, მინდა გკითხოთ იმ პერიოდზე, როცა თქვენ პასუხისმგებელი პირი, პრემიერი იყავით. ჩემი კითხვა ეხება თქვენი პრემიერ მინისტრობის დროს ჩვენს რეგიონში ერთ–ერთ ყველაზე ხმაურიან, ჭელას მოვლენებს, ჭელაში მინარეთის მოჭრის საკითხს. მაშინ საუბარი იყო იმაზე, რომ ეს იყო მთავრობის მიმართ მოწყობილი პროვოკაცია. მუსლიმთა კავშირმა გაავრცელა განცხადება იმ პერიოდში და მოგმართათ თქვენც, რომ გამოძიებულიყო რამდენად კანონერად მოხდა ჭელას მინარეთის იმ ფორმით მოჭრა, როგორც მოიჭრა. თქვენ მაშინ დაპირდით მუსლიმ თემს, რომ ამ საკითხს პირად კონტროლზე აიყვანდით, გვაინტერესებს, რა ხდება ამ საკითხთან დაკავშირებით?

ბიძინა ივანიშვილი: "მე ვფიქრობ, რომ მართლაც პროვოკაცია იყო. ამ მიმართულებით ბოლოს აღარ დავინტერესებულვარ, რამეთუ ხმაური მიწყნარებულია და იქ დალაგებულია ყველაფერი. ზოგადად, რომ პროვოცირება ხშირად ხდებოდა ამ საკითხის, გავიხსენოთ თუნდაც რაც ხდებოდა ბათუმშიც, წელიწადში ორჯერ დაგეგმილი ჰქონდათ, ორივე ნაწილს თვითონ აფინანსებდა „ნაციონალური მოძრაობა“, მუსლიმებისა და ქრისტიანების დაპირისპირება, მეჩეთის მშენებლობასთან დაკავშირებით. აბა ბოლო ორი წელიწადი ნახეთ, მე არ გამიგიგია არანაირი ხმაური სერიოზული“ .

„სამხრეთის კარიბჭე“: იყო კონფლიქტი ორჯერ, მოხესა და ადიგენში. ადიგენში სასაფლაოს საკითხზე, მოხეში კი სადავო შენობის გამო.

ბიძინა ივანიშვილი: ეს არის ისეთი კონფლიქტი, რომელიც გასატანი არ არის არსად და მეზობლებში ხდება. ოჯახშიც ხდება კონფლიქტები ხშირად. გუშინ ჩემს უფროს ბიჭთან ერთად საკმაოდ კარგად ვარჩევდით მე და ჩემი მეუღლე... რაღაცეები არ მოგვწონდა. ნორმალურია ყველაფერი, ეს არ არის ის, რასაც გვაჩვენებდნენ ჩვენ. თქვენ რაც თქვით, რა თქმა უნდა იყო ეგ შემთხვევა, რეაგირებაც გაკეთდა, დღესაც ხელისუფლება ამას ძალიან მოწიწებით ექცევა, კიდევ იქნება რაღაც გამოვლინებები, მაგრამ ეს არ არის ისეთი ფონი, რასაც ქმნიდნენ და გვაჩვენებდნენ.



რაც შეეხება ჩემს პოლიტიკას, ჩემს როლს პოლიტიკაში და ჩემ შეხვედრებს მედიასთან და წამოსვლას. წამოვედი მართლაც და ამით მე ვაჩვენე, ვაჩვენე არა საჩვენებლად, მართლაც ასე იყო რელაურად და ეს საჩვენებლად არ გამიკეთებია. პოლიტიკა არ იყო ჩემო მოწოდება და არ მქონდა სურვილი პოლიტიკაში მოსვლის. მაგრამ, რომ ვნახე რომ ქვეყანას გაუჭირდა და სხვანაირად არ წყდებოდა ეს პრობლემა, თავს უფლება ვერ მივეცი, რომ არ გამეკეთებინა ის რაც გავაკეთე. გავაკეთე ის, რომ ჩემს თავზე მაღლა ავედი და წამოვედი.

„სამხრეთის კარიბჭე“: თქვენ ახლა პოლიტიკიდან წასული ხართ?

ბიძინა ივანიშვილი: გეტყვთ, რა როლში ვარ დღეს. ამ ქმედებით და ჩემი გულწრფელობით რომ ვაჩვენე, რომ პოლიტიკა არ იყო ჩემი მოწოდება და თანამდებობისთვის არ მოვსულვარ, თუმცა სირცხვილი არავისთვის არ არის თუ ვინმე მოდის თვითრეალიზებისთვის და ქვეყანასაც დაეხმარება, მაგრამ საზოგადოებას ვაჩვენე, რომ როგორც ვთქვი, მოვალ, დავალაგებ და წავალ. მოვედი დავალაგე და წავედი, თანაც ზუსტად გავთვალე დრო, შუალედურ დროში წავედი.
რატომ ვხვდები მედიას?! ხომ მობრძანდით თქვენ, ე.ი საინტერესო პიროვნება ვარ და იმიტომ მოხვედთ. ასე ხდება სხვა რეგიონებშიც, ინტერესი არის.

„სამხრეთის კარიბჭე“: რა სტატუსით საუბრობთ?

ბიძინა ივანიშვილი: მოქალაქე ვარ, მოქალაქე გახლავართ მე დღეს. და თანაც გათავისუფლებული ვარ ყოველგვარი პირადი ინტერესებისაგან . ხელისუფლების დატოვებით ვაჩვენე, რომ ეს ინტერესი არა მაქვს, ბიზნესზე ვახსენებ, რომ აღარ მაქვს ბიზნესი საქართველოში, ერთადერთი ჩემი პირადი ინტერესი ემთხვევა ყველა მოქალაქის ინტერესს, რომ ჩემი ქვეყანა იყოს თავისუფალი და სწორი მიმართულებით განვითარდეს. რესურსი, ნდობა საზოგადოებიდან, რასაც ჯერ–ჯერობით კიდევ ვგრძნობ თქვენი მიმოსვლას და თქვენი ინტერესიც ამას კიდევ ერთხელ ასაბუთებს, თორემ არ მოხვიდოდით, ვერავინ ვერ დაგაძალებდათ თქვენ აქ მოსვლას. რამდენად დავეხმარები, რამდენად ეფექტური იქნება ჩემი შეხვედრები ახლა ამაზე ვერ გეტყვით, ეს განვსაჯოთ შედეგებით რამდენად სწორ ანალიზს ვაკეთებთ.
საჯაროდ ცხოვრება არ არის ჩემი მოწოდება, ეს არანაირ სიამოვნებას არ მანიჭებს. ვალდებულებად მაქვს მხოლოდ, რომ ვფიქრობ დავეხმარები საზოგადოებას სწორი არჩევანი გავაკეთოთ.

„სამხრეთის კარიბჭე“: „ქართული ოცნების“ პიარს ემსახურება თუ არა ეს შეხვედრები?

რა თქმა უნდა ემსახურება და ვემსახურები იმიტომ, რომ “ქართული ოცნების” ეს გუნდი სრულყოფილად იცავს იმ სტანდარტებს, რაც ჩემი მოსვლით პოლიტიკაში დაფუძნდა. სხვა პარტიებს ეს არ ხელეწიფებათ. ან შესაძლებლობები არ აქვთ, ან სურვილი არ აქვთ. სხვა პარტიას მე ვერ ვხედავ, რომ პარალელურად მოვუწოდო საზოგადოებას, რაზეც განაწყენდნენ ზოგიერთი ჩვენი თანაგუნდელები.

[თამუნა უჩიძე, ახალციხე]


06.04.2020 ‘ეროვნული გამოცდის ფორმატი ან თარიღი არ შეიცვლება’ - მინისტრი

30.03.2020 პირველი არხის ეთერში 'ტელესკოლა' დაიწყო

30.03.2020 30 მარტიდან პრაქტიკოს მასწავლებელთა და მასწავლებლობის მსურველთა რეგისტრაცია იწყება

20.03.2020 რა პრობლემებს აწყდებიან სამცხე-ჯავახეთის სკოლებში დისტანციური სწავლებისას

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

07.04.2020 დაიხურება თუ არა ახალციხის ბაზარი

07.04.2020 ‘დემოკრატ ქალთა საზოგადოების’ ექიმები პერსონალური დაცვის საშუალებებით აღიჭურვნენ

07.04.2020 ახალციხელი ახალგაზრდა, რომელიც უმუშევარი დარჩა დახმარებას ითხოვს [ვიდეო]

07.04.2020 ‘აგრარული ბაზრები მითითებული სტანდარტების მიხედვით შეძლებენ ფუნქციონირებას' – ლევან დავითაშვილი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

'ეს არის სწორი გადაწყვეტილება'– ფოფხაძე ივანიშვილის პოლიტიკაში დაბრუნებაზე
გამოკითხვა: უნდა დაბრუნდეს თუ არა ბიძინა ივანიშვილი პოლიტიკაში?[Video]
ბიძინა ივანიშვილი პოლიტიკიდან მიდის
გამოკითხვა: რას შეცვლის ბიძინა ივანიშვილის  დაბრუნება პოლიტიკაში? [Video]
ბიძინა ივანიშვილი ახალციხეში ჟურნალისტებს შეხვდება
ბიძინა ივანიშვილი 'ქართული ოცნების' თავმჯდომარე იქნება
ბიძინა ივანიშვილი: 'სადმე „სხვაგან“ კი არ მივდივარ, „აქვე“ ვრჩები'